ابوذيات ولا اروع

عقلي ياترف حبك وحن بك
من الجوري يامحبوبي وجن بك
إجيت إنت على وعدك وجن بك
ليالي الفرح وأيامي زهية


ز - زهرة بغصن عمري تفوح بتنا
ي - ياصوره على وسادة فرح بتنا
ن - نغم رافك بتوت القلب بتنا
ب - بشاير فرح منها تهل عليه


ياهل ماتدري بروحي شبيها
إلك نيران بقليبي شبيها
ابد مافيه بالدنيا شبيها
قمر والقمر من يظهر عليه


ابوج اليوم اعوفج .. طالباني
وبعدني صغير انا بحبج .. طالباني
اروح اشكي لجلال اليوم وطالباني
وخلي احزاب تدخل بالقضية


حياتك يا العراقي اصبحت لاغاز
وعمرك من غزو تكضيه لا غاز
لانفطه التصح بشتاك لا غاز
ويه الكهرباء راحن سويه


حبيبي الشوگ لا تكطع وصاله
الك بالگلب جم غرفه وصاله
نجوى تروح الك ن


منهو الجابك لشوكي وعناك
معقوله الهوه هزك وعناك
الناس الحجت عني وعناك
تغار تريد مانكعد سويه

انصحك يا اخوية لا تبيعة
الصاحب الباعك لا تبيعة
واذا بدينار باعك لا تبيعة
ما يسوى فلس يتبطر عليه

جنه من الدفو ياناس حظنه
تعبنه وماكعد وياك حظنه
ماريد بوسه بس ردت حظنه
ومن احظنك شيفلت اديه